.............................

როდესაც ბლოგი გავაკეთე, ვფიქრობდი, რომ მის მართვას შევძლებდი და ყოველდღიურად დავწერდი პოსტებს, მაგრამ ამას თითქოს ვერ ვახერხებ. არადა რამდენი რაღაცა არსებობს, რისი განხილვაც და გაზიარებაც მინდა.

ჩემი პასიურობა არაა განპირობებული იმით, რომ საწერი თემა ამომეწურა. ჩემი აზრით ის არასდროს არ დაილევა, უბრალოდ დრო არ მაძლევს იმის საშუალებას, რომ გავაკეთო ჩემთვის საყვარელი საქმეები. გულის სიღრმეში რაღაცის შეცვლის მოლოდინში ვარ, თითქოს ცხოვრებაში რაღაც კონკრეტულის შეცვლას ველი და ის მარტო ჩემზე არ იმოკმედებს. ამ ყველაფერს დიდი ენთუზიაზმით მოველი.
 იმედია ჩემი ვარაუდი გამართლდება.

Inkubus Sukkubus

Inkubus Sukkubus არის ბრიტანული მუსიკალური ჯგუფი, ისინი ასრულებენ სიმღერებს goth და pagan სტილში. ჯგუფი 1989 წელს შეიქმნა და დღეასაც,ო ღონდ იშვიათად გვახსენებენ თავს.

ჯგუფის სახელიდან გამომდინარეც მიხვდებით, რომ საკმაოდ მისტიურ ჟანრს განეკუთვნებიან. მათი სიმღერები ხშირად აკრიტიკებენ შუა საუკუნეების ქრისტიანულ ეკლესიას, რომელმაც მრავალი უდანაშაულო ადამიანი გამოასალმა დაუნდობლად სიცოცხლეს.
 Inkubus Sukkubus საკმაოდ საინტერესო ჯგუფია, არაორდინალური და დასამახსოვრებელი

 

ეს სიმღერა მე პირადად ყველაზე მეტად მომწონს.

 Aradia- daughter of Lucifer and Mother Diana

 

Emilie Autumn

   Emilie Autumn არის ამერიკელი არტისტი, მომღერალი, მუსიკოსი, პოეტი და მწერალი. ის არის ვიქტორიანულ-ინდუსტრიალური სტილის ფუძემდებელი, ვიოლინო კი არის მისი სავიზიტო ატრიბუტი, მისი სახელი ამ ინსტრუმენტთან ასოცირდება.

 როგორც თვითონ ამბობს, ვიოლინოზე დაკვრა 4 წლის ასაკში დაიწყო და დანახვისთანავე შეუყვარდა იმდენად, რომ მასთან ერთად ეძინა კიდეც. ემილიმ საკმაოდ რთული ცხოვრება გამოიარა, ნახა მრავალი იმედგაცრუება, გახდა ხალხის კრიტიკის ობიექტი, ის ასევე ხშირად ახსენებს დროს როდესაც კლინიკაში იწვა, ჯანმრთელობის გამო. ის ასევე უკრავს კლავისინზე და ფორტეპიანოზე, მისი ავტორობით დაიწერა წიგნი The Asylum For Wayward Victorian Girls და მას ასევე აქვს მრავალი პოემაც. ის არის გამორჩეული იმითაც, რომ მუსიკას და სიტყვებსაც თვითონ წერს და ასრულებს, ემილის ტექსტი კი ნამდვილად უნიკალურია.

 მან მოღვაწეობა დაიწყო 1999-2000 წლებში და აქამდე მრავალი ალბომი აქვს გამოშვებული, ყოველი მათგანი გამოირჩევა და წინას არ ჰგავს. მის სიმღერებში აუცილებლად იგრძნობთ ძალას, ტკივილს, მწუხარებას, რომანტიკას და ცხოვრებისეულ სირთულეებს. ის წერს როგორც მძიმე სიმღერებს ასევე მსუბუქს, რომელიც ზღაპრულ სამყაროში გადაგიყვანთ. ჩემთვის პირადად ერთი სიმღერაც კი საკმარისი იყო, რომ ნომერ 1 არტისტი გამხდარიყო ჩემთვის. გასაოცარია თუ რამდენი შეუძლია, მხოლოდ ერთ ქალს, რომელიც ყველაფერს თავისი ხელებით ქმნის, სასცენო ფორმებით დაწყებული სიმღერის ტექსტით დამთავრებული.
 ის არც თუ ისე პოპულარულია, მაგრამ მე ეს არ მაწუხებს, ზოგჯერ ასე მგონია, რომ Emilie Autumn ჩემი, პირადი მომღერალია და მისი სიმღერები მხოლოდ მე მეხება.

არამგონია, რომ რამემ ეს დამოკიდებულება მის მიმართ შემიცვალოს, ის არის ყველაზე კრეატიული, შთამბეჭდავი და მულტი ნიჭიერი ადამიანი.

At Last

 პასარკევი, უკვე იმედი მქონდა გადაწურული, რომ ამ დღეს ვიხილავდი. ეს კვირა სავსე იყო, სირთულეებით, იმდეგაცრუებით, ჩახლაფორთებული სიტუაციებით. ის საერთოდ არ იყო გამორჩეული, ალბათ ამიტომაც გაიწელა ამხელაზე. პარასკევის მოსვლის სიხარულთან ერთად, იმაზეც ვფიქრობ, რომ ყველაფერი თავიდან უნდა დაიწყოს, სულ რაღაც 2 დღეში.
 ბედნიერ შაბათ6კვირას გისურვებთ. :)

Camelot

კამელოტი, ეს არის სერიალი, რომელიც მეფე არტურის ცხოვრებას მოგვითხრობს. მერლინი, მორგან ლა ფეი, გუინევერი, ყველა ეს ლეგენდარული პერსონაჟი ამ სერიალშია გაცოცხლებული.

მეფე არტურის როლში არის ჯეიმი კემპბელი, თავიდან მისი დანახვა ცოტა გამიკვირდა, მეფე არტური მე უფრო ასაკოვანი წარმომედგინა. აი ჩემთვის უსაყვარლესი მსახიობი, კი ჩემთვის უსაყვარლეს გმირს თამაშობს. ევა გრინი არაჩვეულებრივად ასახიერებს ცნობილ ჯადოქარ Morgan Le Fay (Morgan Pendragon)-ს.
სერიალი სულ რაღაც 10 სერიისგან შედგება, მაგრამ არც ერთ 8 სეზონიან სერიალს არ ჩამოუვარდება.

 საბოლოოდ სერიალი ძალიან საინტერესოდ, მაგრამ დაუმთავრებლად დამთავრდა. ეტყობოდა, რომ უნდა გაგრძელებულიყო, მაგრამ კომპანია Starz-მა გადაწყვიტა, რომ მე2 სეზონი არ გამოეშვა, ამის მიზეზი მისი არაპოპულარობა იყო. მასზე ძალიან დიდი თანხები დაიხარჯა, მაგრამ ცუდად გაიყიდა.

  მე ყველას გირჩევთ, რომ ეს სერიალი ნახოთ, დარწმუნებული ვარ, რომ მოგეწონებათ. თქვენ ყველანი სერიალის მონაწილენი გახდებით .

Burlesque Show

სიტყვა Burlesque-s აქვს იტალიური წარმოშობა და ის ხურმობას, ხუმრობით ვინმეს დაცინვას ნიშნავს. კერძოდ Burlesque Show წარმოიშვა ვიქტორიანულ ეპოქაში, კერძოდ პარიზში, იმდროინდელი მოცეკვავე ქალების მეშვეობით.

ამ სტილმა პოპულარობა ძალიან მალე მოიპოვა, რადგანაც ის იყო შოკისმომგვრელი, ვიქტორიანულ ინგლისის ფონზე. ქალებმა, რომელთაც კოჭის გამოჩენისაც კი ცხვენოდათ, ნახევრად ჩაცმულებმა დაიწყეს ხალხის წინაშე ცეკვა და ეს ძალიან მოულოდნელადაც მოხდა.
 ძალიან ბევრ ადამიანს ერევა Burlesque, Cabaret სტილში, სინამდვილეში ისინი განსხვავდებიან. Burlesque არის თეატრალური სანახაობა, ის ძალიან ხშირად ფატალურ ან კომედიურ ისტორიას გვიყვება, საბოლოოდ ის დრამატულად მთავრდება და მთავარი მოცეკვავე ქალბატონიც ხშირად კვდება. კაბარეს მოცეკვავეები კი არაფერს არ გვიყვებიან, ისინი უბრალოდ დამსწრე საზოგადოებას ლამაზ სანახაობას სთავაზობენ.

 დღესდღეობით მსგავს შოუებს იშვიათად შეხვდებით, მას მხოლოდ  Dita Von Teese  თუღა აცოცხლებს, მაგრამ უკვე სახე შეცვლილ სანახაობას გვთავაზობს, ის უფრო Moulin Rouge-ის  მოცეკვავეს მაგონებს.

დღევანდელ ცხოვრებაში ეს სტილი გოთიკურ ჩაცმულობასაც გაერია და საბოლოოდ ჩამოყალიბდა, რომელიც მე პირადად მომწონს, ის ვიქტორიანულ სტილს ჰგავს, მაგრამ უფრო მეთად თამამი და გამომწვევია.

ბავშვობიდანვე მიყვარდა ნაწარმოებებში, მოთოლოგიაში ან ფილმებში ქალი გმირები, რადგანაც უსამართლობას და უუფლებობას ვერასდროს ვიტანდი.

ამიტომაც მინდა გაგაცნოთ მითოლოგიური ქალღმერთი ლილითი. მას შეხვდებით ებრაულ მითოლოგიაში, ასევე ევროპულ კერძოდ ესპანურ და იტალიურ ლეგენდებში. ლილითს ძირითადად მოიხსენიებენ, როგორც ეშმაკის მეუღლეს, რომელსაც ძალიან დიდი ძალაუფლება მიენიჭა. სხვა გადმოცემებით ლილითი იყო ადამის პირევლი ცოლი, ევამდე, მაგრამ ამ მოსაზრებას ნაკლებად ვემხრობი.რატომღაც ზოგიერთები ლილითს აიგივებენ დედა დაიანასთან, რომელიც ასევე ეშმაკის ცოლია, არ ვიცი ამის საფუძველს რა იძლევა, მაგრამ ფაქტია, რომ ორივე ქალღმერთს ანიჭებენ კუდიანების დედოფლის სტატუსს.

ლილითს მოიხსენიებენ, როგორც ბოროტად, ასევე კეთილ დედოფლად, რომელიც ყველა სურვილს აუსრულებს ადამიანს, თუ ის მას ძვირფას ძღვენს მიართმევს,მაგრამ მე მაინც არ გირჩევთ მასთან საქმის დაჭერას, გავიგე მკაცრი მეუღლე ჰყოლია. :)

მსოფლიო სავსეა სტერეოტიპებით, განსაკუთრებით მცდარი სტერეოტიპებით, ჩვენ მათ ყოველდღიურ ცხოვრებაშიც ხშირად ვხვდებით.
ადამიანის ყველაზე დიდი მტერი, თვითონ ადამიანია, ჩვენ ვუქმნით ერთმანეთს ყოველგვარ პრობლემას და დაბრკოლებას. ამას გვაკეთებინებს შური, შიში, ან შეიძლება თუნდაც კომპლექსი. ჩვენ იმდენი ძალა არ შეგვწევს, რომ გავუსწოროთ რეალობას თვალი, დავაფასოთ სხვა ადამიანები, ვაღიაროთ, რომ ვიღაცა ჩვენზე ძლიერია. არცერთი ჩვენგანი არ დგამს პირველ ნაბიჯს, არავინ აღარ ცდილობს, რომ წარმატებას პატიოსანი გზით მიაღწიოს.

 ადამიანებს სიამოვნებთ, როდესაც ერთმანეთს ტკივილს ანიჭებენ და როდესაც ვიღაცა მათ ანალოგიურს გაუკეთებთ ცხოვრებაზე ბრაზდებიან და თვლიან, რომ უსამართლოდ ისჯებიან.დღესდღეობით ძნელია, რომ ვინმეს ენდო, თუნდაც ძალიან ახლობელს. არავის არ აქვს იმის გარანტია, რომ ის ზურგში დანას არ ჩაგარტყამს.
მთელი გულით ვისურვებდი, რომ ასეთი დამოკიდებულება შეიცვალოს და ადამიანებმა უბრალოდ ერთმანეთი შეიყვარონ.

Prolgue

გამარჯობათ, ჩემი სახელია დათო და ეს არის ჩემი ბლოგი.

 ძირითადად ბლოგერები წერენ ცნობილ ადამიანებზე, მსოფლიო სიახლეებზე და საკუთარ ცხოვრებაზე. ამას ისინი მკითხველთათვის აკეთებენ , გამოხატავენ ისეთ აზრებს რომლებსაც თვითონვე ეწინააღმდეგებიან, ამ ყველაფერს, კი რეიტინგისვის აკეთებენ. მე კი დავწერ იმაზე, რაც მე მიყვრას და მსიამოვნებს, ჩემი ბლოგი კი მაშინ იქნება რეიტინგული თუ ჩვენი სიმპათიები დაემთხვევა.