Happy New Year

ახალი წლის წინა დღე, ყველა რაღაც განსაკუთრებულისთვის ემზადება. რთავენ მთელ სახლს, "ალამაზებენ" ანათებენ, დეკორაციას უცვლიან რადგანაც უნდათ, რომ სახლში განწყობა შემოიტანონ. სამზარეულო, ჩემი აზრით მხოლოდ ამ დღეს არის ასეთი პოპულარული. საბოლოოდ 12 საათისთვის ყველაფერი მზადაა, ყველა მოუთმენლად ელოდება შემდეგ წელს და ისიც დადგა, ყველას უხარია ეს ფაქტი, მაგრამ არ იციან რა არის ამაში სასიხარულო, მათ უბრალოდ ის უხარიათ, რომ ქეიფობენ და დროს ატარებენ, მაგრამ მე თუ მკითხავთ, სულაც არ არის საჭირო დააბრალო ახალი წლის მოსვლას ის ფაქტი, რომ შენ უბრალოდ ქეიფი გინდა.

არ მინდა იფიქროთ, რომ ამ ტრადიციის წინააღმდეგი ვარ, უბრალოდ მას ბევრი ნაკლი, რომლის გამოსწორებასაც ვისურვებდი.
 ეს ახალი წელი ჩემი აზრით, საკმაოდ საინტერესო უნდა იყოს, თუნდაც იმიტომ რომ გველის წელი მოდის. მოგეხსენებათ გველს, ხალხის უმრავლესობა აღიქვამს, როგორც ბოროტ, უარყოფით არსებად, რომელსაც კარგი არაფერი მოაქვს. რადგანაც ჩვენმა წინაპრებმა გადაწყვიტეს, რომ 12 წელიწადში ერთისთვის დაერქმიათ გველის, ანუ მართლაც რაღაც არაჩვეულებრივი ხდება ამ წელს, თანაც ის ფაქტიც უნდა გავითვალისწინოთ, რომ ადრეულ ხანებში წარმართული შეხედულებები ბევრად გაძლიერებული იყო.

მე პირადად დიდად არ მიხარია ახალი წლის დადგომა, მაგრამ გულის სიღრმეში მაინც რაღაცის მოლოდინში ვარ. არ ვიცი რატომ მაგრამ საახალწლო დეკორაციები ჩემს ნერვებზე მოქმედებენ, უმჯობესი იქნებოდა, რომ ან საერთოდ არ იყვნენ ან სახე შეცვლილები.

იმედია, რომ ჩემი ნეგატიური განწყობილება თქვენც არ გადმოგედებათ და მხიარულად გაატარებთ იმ დღეს, რომელსაც მთელი წელი ელოდით.
 გილოცავთ ყველას დამდეგ ახალ 2013–ე წელს.....

Wizard 101

2 წლის წინ გადმოვწერე თამაში სახელად Wizard 101. გადმოწერის დღიდანვე ეს თამაში უზომოდ შემიყვარდა და შემეძლო დღა და ღამე მეთამაშა, მაგრამ სამწუხაროდ არაფერია იდეალური.
 თამაშში კონკრეტულ დონეს როდესაც მიაღწევ გთხოვენ რომ თამაშს გადაურიცხო თანხა, რომ სხვა განზომილებებში და სამყაროებში გადახვიდე, ეს კი საჭიროა, რომ როგორც ჯადოქარი გაიზარდო. საქართველოდან კი ინგლისში თანხის გადარიცხვა შეუძლებებლია, კი იყო ხოლმე მომენტები როდესაც შეგიძლია სამყაროებში უფასოდ გადახვიდე, მაგრამ ეს ძალიან იშვიათად ხდება ხოლმე. ამიტომაც ამ თამაშის თამაში შევწყვიტე და დღეს მონატრება და ნოსტალგია მომაწვა, ამიტომაც გადავწყვიტე თავიდან ჩამერთო და მეთამაშა. როდესაც ჩაირთო საეერთოდ სხვა სიტუაცია დამხვდა, მაქსიმალური დონე საკმაოდ გაზრდილია, ახალი სამყაროებიც გახსნილია, მოკლედ არ ვიცი როდის დავეწევი თამაშს, მაგრამ ვიცი რომ აღარ შევწყვეტ.

ფერადი სანთლები, როგორ შეიძლება მათი დანიშნულების ახსნა

მე მოგიყვებით თუ როგორ შეგიძლიათ, სხვადასხვა ფერის სანთლები ზუსტი მნიშვნელობით გამოიყენოთ მაგიაში, ან უბრალოდ იცოდეთ მათი ფერის ხასიათი და დანიშნულება.

თეთრი:   ქალღმერთი, თქვენი უმაღლესი სახე, სიწმინდე სიმშვიდე, უმანკოება.

თეთრ სანთელს ყველაზე აქტიურად ვიყენებთ რადგანაც ყველაზე გავრცელებულია, მას აქვს დადებითი აურა და მუხტი, მას თეთრ მაგიაში იყენებენ. თეთრ სანთელს აქვს ასევე უნარი, რომ ჩაანაცვლოს ყველა სხვა ფერის სანთელი.

შავი: სასიყვარულო, დამაკავშირებელი რიტუალისთვის, სხეულის შეცვლისთვის, დამცველობისთვის და უარყოფითი ენერგიის გაცემისთვის, ასევე მიზიდვისთვის.
 შავ სანთლებს იყენებენ ბოროტ ძალებთან საბრძოლველად. მას შეუძლია ადამიანის ყველაზე ქვეცნობიერი ძალები და ინფორმაციები გახსნას. ხშირად შავ მაგიაშიც გამოიყენება ეს სანთლები, ის ასევე სატურნის ძალებს იზიდავს.

ყავისფერი: განსაკუთრებული სურვილები, მეგობრობაზე ზეგავლენისთვის.

ვერცხლისფერი: ქალღმერთს ასახავს, ასტრალურ ენერგიას ზრდის, ზრდის ასევე ქალურ ენერგიასაც, ტელეპატურ უნარებს, ინტუიციას და მოქმედებს სიზმრებზე.

იისფერი: მესამე თვალის ამოქმედება, ან გახსნა, ფსიქიკური შესაძლებლობები, დამალული ცოდნის გამოაშკარავებაში დაგეხმარებათ, გავლენა მოახდინოთ ადამიანებზე, სპირიტუალური ძალები.

ლურჯი: წყლის ელემენტის ძალის გამოყენებაში გეხმარებათ, სიბრძნეს ასახავს, ასევე დამცველობითია, სიმშვიდეს და დადებითი ფორტუნას მოგიტანთ, კომუნიკაციის გახსნას, ან დაბლოკვას შეძლებთ მისი გამოყენებით, სპირიტიუალური შთაგონებები.

მწვანე: მიწის ძალის გამოყენებაში დაგეხმარებათ, ფიზიკური განკურნება შეუძლია, სავალუტო წარმატება, იყენებენ ზრდისთვის, დედაბუნების ძალების მიზიდვისთვის, პერსონალური მიზნების მისაღწევადაც.

ვარდისფერი: იყენებენ, რომ სხვა ადამიანები მათზე ზრუნავდნენ, ასევე რომანტიკული მიზნებისთვის, სიყვარულის ნათელი მხარეების გაღრმავებისთვის, აფექტის მდგომარეობას ზრდის.

 
  წითელი: დაგეხმარებათ გამოიყენოთ ცეცხლის სტიქიის უნარები, ვნება, ძალა, აჩქარებული მოქმედებები ახასიათებს ამ სანთელს.კარიერულ წინსვლას მოგიტანთ, გადარჩენის უნარს შეგმატებთ. მის გარეშე თითქმის არ არსებობს სასიყვარულო შელოცვა. მისი ღვენთი ასახავს მთვარის სისხლს.

ნარინჯისფერი: მთავარ საქმიანობაში წარმატების მომტანი, ასევე მოსავლისთვის არის კარგი, მისი ძალები შეგიძლიათ სასამართლო საკითხებში გაოიყენოთ. ამ სანთლებს ძალიან ხშირად იყენებენ ჰელოუინის, იგივე მაგიური სამჰეინის დღესასწაულის დროს.

ნაცრისფერი: კარიერული წინსვლა, ფული. იგი არის საბრძოლო მაგიისთვის იდეალური, მას იყენებენ ასევე ნეგატიური აზრების, ფიქრების და ემოციების განდევნისთვის. ასევე პროფესიონალური ზრდისთვის.

ოქროსფერი: ასოცირდება ღმერთთან, ასოცირდება წმინდა საქმიანობებთან. ისე ზრდის მამაკაცურ ძალებსაც. არის სიმდიდრის მომტანი.

ყვითელი: დაგეხმარებათ გამოიყენოთ ჰაერის სტიქიის ძალები, გონების სრულ პოტენციალს ხსნის, ინტელექტს აყალიბებს, მახსოვრობას ზრდის, ასევე ხსნის ყველანაირ გონებრის დაძაბულობას. ის ასოცირდება მზესთან..  

My Mistake

ამ ბოლო დღეების განმავლობაში თავს შეუძლოდ ვგრძნობ, ამიტომაც გადავწყვიტე რაიმე საინტერესო შინაარსის ფილმისთვის მეყურებინა და ერთ–ერთ საიტზე ვნახე ეს ფილმი Witchslayer Gretl. ეს კი ის შემთხვევაა, როდესაც სათაურს არ უნდა ენდო.

როგორც მე გამოვიტანე დასკვნა, ფილმის გმირები უნდა იყვნენ კელტური წარმომავლობის. მოქმედება კი სადღაც მე–5 საუკუნეში უნდა ხდებოდეს. ეს შარმი კი ფილმში სრულიად დაკარგულია. პირველ რიგში იყენებდნენ სიტყვებს, რომელიც თანამოდროვე ამერიკულს ახასიათებს, მაგალითად სიტყვა Consumer. მაგრამ ნეტა მარტო ეს ყოფილიყო პრობლემა, ბოროტი ჯადოქრის დამხმარე კუდიანი ქალები, უფრო მეტად ჰგავდნენ, მორიგი იაფფასიანი დიზაინერის მოდელებს, ვიდრე ჯადოქრებს, თანაც არ მესმის, როგორ უნდა იბრძოლო ტყეში ეგრეთ წოდებული " შპილკებით" მაგრამ როგორც ჩანს, ეს ქალბატონები პროფესიონალები აღმოჩნდნენ ქუსლებზე დგომაში.

არ მესმის ერთი რამ, როგორ შეუძლიათ ადამიანებს გადაურჩნენ სასიკვდილო ჭრილობას გულში, რომელიც არის მაგიური ისრით მიყენებული, ხო მართლა ამ მაგიურ ატრიბუტებს მობილურ კავშირებადაც იყენებდნენ.
 ფილმში ნაჩვენები ზებუნებრივი არსებები კი ძალიან არაბუნებრივნი და მოსაწყენნი იყვნენ.
 ჩემმა თვალებმა კი კიდევ ერთი საინტერესო ფაქტი შეამჩნიეს, რომელმაც შეიძლება მსოფლიო ისტორია შეცვალოს. ესე იგი, თურმე კელტები იაპონურ სურიკენებს, ნინძების საბრძოლო ვარსკვლავებს იყენებდნენ, როგორც იარაღად, თანაც ოპერატორებს იმდენი ჭკუა არ ეყოთ, რომ ეს სურიკენი ახლოდან მაინც არ ეჩვენებინათ, რადგანაც მას თანამედროვე შტრიხები ეტყობოდა.

მე ასევე მინდა ავღნიშნო გადამღები ჯგუფის არაპროფესიონალიზმი, რადგანაც ბრძოლის ეპიზოდებში კამერა აქეთ–იქით უვარდებოდათ და კადრიც თავბრუდამხვევი იყო, ისინი სავარაუდოდ თან სადილს ამზადებდნენ და თან იღებდნენ.
 აღმაშფოთებელი იყო, კიდევ ერთი ფაქტი, არც ერთი შელოცვა არ ჰგავდა მაგიურს, მათ აშკარად მცდარი წარმოდგენა ჰქონდათ მაგიაზე. ეს ფაქტი იმიტომაა აღმაშფოთებელი, რომ ფილმი თარიღდება 2012 წლით, მათ შეეძლოთ სპეც ეფექტების გამოყენება, მაგრამ სავარაუდოდ მთელი ფული დახარჯეს მოდელებისთვის წითელი, აბრეშუმის კაბების შეძენაში.

 ბოლომდე მეგონა, რომ რაიმე საინტერესო მოხდებოდა, მაგრამ აქაც იმედი გამიცრუვდა.
ფილმის ჟანრია საშინელება და ფენტეზი, თუმცა მე ვერაფერი ვერ შევაჩნიე საშინელი, მსახიობების თამაშის გარდა, მაგრამ ნამდვილად დამჭირდა, უზომო რაოდენობის ფანტაზიის გამოყენება, რომ შეცდომებზე თვალი დამეხუჭა და რაღაცით მაინც მესიამოვნა.
 ეს ფილმი მართლა მოითხოვს ფანტაზიას და ნამდვილად არის საშინელი.

იყო განსხვავებული. ეს საკმაოდ რთული და შრომატევადია. ხალხი განგკიცხავს, გაგთელავს, არ დაგინდობს და საბოლოოდ ისევ თვითონ გამოჩნდებიან მართალნი, ხოლო შენ კი ვიღაც შერეკილი, რომელმაც ცხოვრების გზას გადაუხვია.
 ადამიანები ხდებიან დაცინვის საგნები მხოლოდ იმიტომ, რომ სურთ დამოუკიდებლად იაზროვნონ და ჩიტების გუნდს გამოეყონ.

მე ვფიქრობ, რომ ამ ადამიანებს ძალიან დიდი გამბედაობა, ძაა და ნიჭი აქვთ, რომელიც აუცილებლად უნდა გამოაჩინონ, არ დამალონ და სხვა ადამიანები დაჩრდილონ, თავის გზას კი არასდროს გადაუხვიონ.
 არსებობს რაღაც დოგმები, რომელიც უნდა გავითვალისწინოთ და შევასრულოთ მაგრამ ამ დოგმებს საზოგადოება არ ქმნის. მთავარია, საკუთარ თავთან ვიყოთ მართლები, თუნდაც მაშინ, როდესაც ჩარჩოებს გავცდებით.

I'm Back

ორ კვირიანი შესვენების შემდეგ საბოლოოდ შემიძლია ვთქვა, რომ დავბრუნდი და სავარაუდოდ აღარ წავალ არსად.

საკმაოდ საინტერესო შესვენება გამომივიდა, ათასი რამ წავიკითხე, ძველ ინტერესებს დავუბრუნდი, მაგრამ ვირტუალური ცხოვრება მაინც მომენატრა, თან უამრავი სიახლე დამხვდა და ჯერ კიდევ ყველაფერი არ მინახავს. 

 ახლა ვრცელი პოსტის დაწერის დრო არ მაქვს, მაგრამ მალე ალბათ მაგასაც მოვახერხებ.